نبذه عن منتدى مواهب الاعضاء

اهلا ومرحبا بكم في منتدى مواهب الاعضاء ..
كنبذه تعريفه عنه ...
المنتدى يختلف عن بقية المنتديات بأنه نابع من موهبة العضو ..
لا نقلا من مكان آخر او ماشابه ذلك ...
فلدى كل انسان موهبه .. ومن المحتمل انه لم يكتشفها ..
فهذا هو منتدكم بين يديكم لا تخجلوا ... فجروا الموهبه .. حتى لو كانت بسيطه ..
وانا اليوم الاحظ في منتدانا اكثر من موهبه بدأت تجرأ على طرح مواهبها و مواضيعها ...
التي بدورها ستشجع الباقين ...
اتمنى من الأعضاء ان يبدؤا بأكتشاف مواهبهم . و ان لا يكون مكان للتردد بيننا
.................................................. ..............
ولن اطيل عليكم اكثر .. فقط اقول لكم ..
هو منتداكم .. فأبدعوا ليرى الجميع ابداعكم
.................................................. .......
تحيـــــــ للجميع ـــــــــاتي
ودغــــــــــــــاندى

.اول حاجه اللمه الفيل مع النمله شنو؟ الفيل ما اصلو حنين"عفص النمله واعتذر ليها. ومن هنا ابتدأت العلاقه غير المتكافئه.!!!!

.يكمن عدم التكافؤ في فارق السن(أأأأأقصد الحجم) بين المخلوقين.

.بالرغم من ضخامته وجبروته ومكانته(وحاة النبي حنين).

.وبالرغم من ضآلة حجمها وتفاهتها (تحلف تقول حيه مش نمله)

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

.انا ماشايفه غيرك يا فلافيلو.!!!!!

.شنو يعني ازح من قدامك عشان تشوفي؟

.لا يا فلفل!!!قصدي مابملا عيني الا انت,!!!!

.املا عينك بشنو؟انتي اشتريتي قطره لعينك؟!!!!

.قطر يكسرك حته حته.انت ما بتفهم؟بحبااااااااااااك!!!

.(مع اكتساء خدود النمله باللون الوردي)مع الmake up واحمر الشفايف البنفسجي,اصبح وجه النمله دعايه لبوهيات المهندس.

.اخونا داك ما شفتوهو(الفيل) ,بالله خرطومو بقا قصييييير(2نانومتر)

.واتكمش وبقا قدر البلحه,(يا نموله ما تهظري الحاجات دي ما فيها هظار)

.يا حبيبي انا لقيت فيل احلامي البتمناو,ومستحيل اكون لغيرك,ومافي *غابه*حتفرقنا عن بعض,المهم بالليل بمسكل ليك من موبيتل في السوداني عشان تركب الاريبا!!!!(دي غابه ولا دكان اتصالات)!!!

.الفيل استعد للسهره الكاربه وكلم امو (عشه)عملت ليو براد جبنه و3كبابي شاي احمر.المشكله بطاريتو كانت ضعيفه رسل(بله) اخو الصغير جاب شاحن من ابو القدح ود جيرانم.!!!!

.الو بصوت وااااااطي,لانو عمك اب ريش- ابو نموله- لو سمعها بتتكلم بالتلفون (شرف العيله حيبقا في الحضيض).

.الفيل ماعندو مشكله(اضانو كبيره زي صاج التحمير.!!!!

.المشكله لمن نعس وقع التلفون جوه اضانو!!!!

.5 ساعات من الكلام اللطيف و الوعود والاحلام النرجسيه,تتخللها بعض الاهات والتنهيدات اللتي يحسبها كل من الطرفين انها لحظات الغرق في الحب والضياع,ولم يدرك احدهم ان تلك الاصوات المصطنعه اثرها التعب والفتر والنعاس وحاجات تانيه حامياهم!!!!

.5 شهور عدت والحال على ذاك الحال.

.بالله الفيل ده كان بصحى من النوم بعد التلفون الماراثوني _عيونو زي زراير البدله!!!!وتقول طاقيو تايفود!!!ولو سمع صوت تلفون بدق_ بفرفر زي خروف الضحيه,
.الله يجازيكم يا ناس MTN

.الفيل كان مؤمن بالقاعده البتقول(مافي حلاوه بدون سكر! أأأقصد بدون نار

.والتعب الكان بتعبو بالليل ,كان بشوف وراو الجنه الحتجمعو مع نموله.

.اليوم داك نموله تلفونا مقفول, والفيل يشيل ويتصل ويجي الرد(عفوا هذا *الجحر* لا يمكن الوصول اليه نهائيآ ارجو عدم الاتصال لاحقا)

.الفيل شك في البدايه ,لكن اتذكر انو نموله بتزعل من الشك,قام الفيل كذب الظنون***(واختار لروحو النحيب)

.الفيل سمع صحبو الجمل بتكلم بالتلفون في الشارع,وقف ورا الحيطه

واتصنت المكالمه ,بأضانو الكبيره سمع صوت من جوه التلفون ( يا حبيبي انا لقيت جمل احلامي البتمناهو)

بوووووووووووووووووووووووووووووووووووووووووووووم

.الجمل انتهى من الكلام وقام من الحجر الكان قاعد فيو,كشف بيوت الحله كلها!!!!

.غلطانين الناس"يا اما ما يسكنو جمل معاهم ولا يعلو اسوار البيوت.

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ.5 ايام الحله غرقانه بدموع الفيل المغلوب على امره.

.5 ايام والحله لا تسمع سوى صوت الفيل القبيح المتشرب بعبره خانقه ناتجه عن سموم الغدر وخيوط الخيانه التي نسجتها النمله السوداء ذات القلب الاسود حول عنق الفيل الذي كان يدندنLمالقيتي غير *جملي* الوحيد!!! أأأقصد صاحبي الوحيد****كان تمشي انتي مع السراب وتبقى الخيانه بعيد بعيد.

.تيــــت تيــــت.:تم استلام رساله:معليش يا ابو الافيال, انا من زمان بحب جمولي ..................المرسل:نموله

.رساله نصيه:ياقلب ,البخون في يوم حبيبو ,تاني عاد كيفن يريد؟!!!!!!!!!

إرسال..............................تم التسليم!!!

المخلص:

،فيل قرصتو حيه!أأأأقصد نمله